المدونة تحتوي علي جميع قصائد عمرو حسن,ابراهيم فرج,أميرة البيلي,مكتوبة
نرجو دعم المدونة والاشادة بها الي كل المهتمين بهذا الموضوع ولسهولة التنقل في المدونة
يمكنك الضغط علي زر الخيارات بجانب اسم المدونة و اختيار الاقسام التي تريد تصفحها
بيسخرك قشاط الدنيا قدامه ..
ويحطلك سكة بالجبر و الإكراه ..
القلب زي كتاب مفتوح على الواسع ..
بس اللى يقدر يدخلك يقراه .. !
مفاتيح وقهوة و علبتين سوبر ..
و مسكنات للألم مش صالحه لإستخدام ..
رويات وشعر و نَص و محاولة ..
العمر قاعد جمبي ع الكرسي ..
و الكلب صوته لأخر الشارع ..
و الساعة أعلى من صرخة المايه ..
قبل اما تاكل نفسها ف براد ..
هفضل عبيط و بلاعب الدنيا ..
و اخسر ف عيني لو هبان كسبان ..
ماكانش قصدي اختفي و الجأ لأشعارى ..
الدنيا كبرت قوي و بقل يوم عن يوم ..
بكسب تراك و اخسر قصاده شخص و حكاوى ..
بفتح دراعي و أحضن العالم ..
و بسيح ف حبر القلم لما ابدأ التدوين ..
جيت النهارده صحيت و نزلت أَلِفْ بدون سبب ..
بمشي ف شوارع كلها جديدة ..
رايح لحته بظُنَّها بعيدة ، ماعرفش فين هى ..
الليل ستارة بيهزها شعورى وزفيري اخر ونس ..
و سيجارة ف العلبة ..
يارب هاتلى بديل ..
لو روحي باظت او يعني شيء اختلف ..
اجعلني اكون اقوي و ارزقني قولة مش بخاف ف الخوف ..
مين اللى عرى دموعي قدامي ..
و انا طول حياتي بلفها ف مناديل ..
الناس بتهرب بس خوفها ضئيل ..
تلك الغريزة و هرمونات الشك ..
عطشانه روحي جوا رئة الجمل ..
قايلة نفسي للسقوط ، ماتزوقهاش اكتر ..
واهديني اكتر من كده شوية / يا ماتهدينيش خالص ..
انا روحي طلعت من العرق على جلدي من برا ..
كل القصايد واقفين يبصولى من فوق لتحت ..
زي العيال ما يعاتبو ابوهم لو لسه جاي من سفر ومفيش فلوس ..
طب اودي وشي ازاى .. !
هما ف الاخر عيال و مايعرفوش يعني ايه مُعاناة ..
مايهمهمش خناقات العمل ..
و مايعرفوش فرق الفلوس والتكلفة ..
لو بين الهدف والأمل ..
ملعونه شمس المشكله اربعه بالليل ..
الناس طيور ابابيل ..
و انا فيل ضحية بشر ..
سميني زي ما تشتهي تسمي ..
واقفين ف ضهر القَطَرْ بيلوموا تعويرة لو نزلت دمي ..
واقف ف حيرة بترميني جوه الشك / يردني لأكيد ..
يا طويل يا شارع بين هنا وهناك ..
مابقتش قادر احفظ التواريخ ..
الشيله تقلت والنفوخ اتخرم ..
لص الحياة محترم ..
سنتين فطام واربعه طفولة ..
وزيهم عيل ..
وحوالى ست سنين جلسة تعارف ع الدنيا و العالم ..
سبعين سنة بعدهم بتسد حق اللى انت ماعرفتوش ..
ماعرفش ليه انا جيت هنا ..
نُصْ الصحاب ف الرحم كان رأيهم نرجع ..
ومشيت ف حرب بتنتهي بمأساة ..
الدنيا مش أمي ..
أغضب بكيفي الصبح و الساعة ستة هتناديلي على العشا ..
الدنيا واقفه بتبتسم و بموت من الحسرة ..
وبشيل ذنوبي واطوف ع الخلق ف المولد ..
- تاخد خطيئه يا بيه !
= بتبيع بكام حزنك
- خد دمعتين ببلاش ..
كان صاحبي مات له عزيز وجاملته ف عياطه ..
= لأ .. اديني شيء أغلى ..
- فيه ضحك بس يَنُم عن حسره / و علاقة كاملة هتنتهي بكسرة / نظرات عيون الدولة للأسرى / فيه دفترين جوابات / و ايدين تقيله بس ف السلامات / رئتين وباظوا من شيلة الدخان / وصحاب بتمشي بردو ف الدخان / و كلام بيوجع ف اتكتب بالجاف / و عياط بيقتل و انت ف الاسعاف / و عينين بترفض نظرة الكشاف / وحاجات بتخلص كل يوم وتموت / و جراح قديمة و كدب و أونطه ..
= ارجوك بلاش لِمْ الوجع و أمشي ..
- والله ده اللى ف ايدي دلوقتي ..
مارضيتش بس افتحلك الشنطة ..
لفيت و سيبته بشد روحي بسلسلة ..
لفت انتباهي تفاح بيتعور ..
اشجار بتقطع ايدها من وصلة الشراين ..
وعيون غراب اتغذوا بيه الاخوات ..
اعضاء زمن ميته متبرَّده ف فريون ..
و ايدين عجوز بتخط اخر حرف ..
ف عرفت ايه القصه و التفسير ..
تفاح قتل نفسه ف اتحدف ع الأرض ..
اشجار بتدفع تمن غلطات لبني ادمين ..
وعيون غراب بتعلم العالم ..
والأرض دفنت نفسها ف التلج ..
كان كل شيء جاهز للميلاد تانى ..
والصمت قاتل ماشي ف المولد
والسما واقفه بتعيط الدخان ..
وعجوز ف ايده خيوط بيمدها من فوق..
وبيبدأ التجربه / وبيصنع الإنسان ...
تعليقات: 0
إرسال تعليق