كلمات قصيدة"ھشوفك صدفة ماعرفكیش" إبراهيم فرج
الناس بتجرى ع الأشغال وانا رجلى دایما تتسحب وتروح لقھاوى وسط البلد قطط النھار بتلف ع المخالیق یتقاسمو نص الأكل .. الدوشھ خمسینھ وعنیا مفطومھ من یجي ست شھور على كرسي ومعسل والزھر على مد اید النباطشي المطبق جوه من بلیل اللیل فض المجالس لما شافني وحید كشاف ف مدخل شارع البورصھ ینطفي باللیل والصبح یرجع للحیاه تانى الوقت یفضل یبتسم ودموع حدید الأكره بتقاوح كل ما أحضنھا بإیدیا الشمس زي ازازة الریحة اللى خافت تقولى ان انتى مش جایھ كل الساعات واقفھ فیھ ساعھ بس بتشتغل .. اول ما یاخده القدر عند ستھ ونص .. ومصیري زي العقرب التاني بیعرف انھ وحداني وانا بلعن الایام وافتح ف روحي الباب وبسیبھ اوسع من دماغ شاعر یتمشي فیھ الناس ویشغلو أفلام واغاني لما بتنتھي بتشتغل جواك حیرت قلبي معاك اعطیني الناي وغني متجبش سیرة الحب انما للصبر حدود وانا عندي ناس رامیین ف روحي تراب وبیقفلو لحدي یاللى انت عمرى مش بعید عنك متفوتنیش انا وحدي یكفني اقلب كل یوم ف الصور معرفش لیھ الوضع سيء من یجي ست شھور ومفیش دوا .. شكل الھوا مش زي اخر مره ویاكي قالى الطبیب بالوقت ھنساكي وكتبلي على ادویھ بتخص مرضي القلب .. اسمع كلامھ والتزم بھدوء اصرف روشتھ حوالي كل یومین .. واساوم نفسي ع النسیان انذار حنینك یشتغل فجأه ف افتكر تانى كل اما اشوف سینما او عصیر مانجھ او فاتن حمامھ ف فیلم نھر الحب كل اما ابویا یطب ویقولى نام مش كده كان نفسي یعرف یومھا ان احنا متفارقین اھو كان یسیني یومھا ابكي سعید الناس متعرفش شكل الصدي لو مره صابھ حدید او ضعف صوتي لما قولت مسیبتھاش بس القدر عنیا بتصحي یومیا تسب وتلعن الأیام وایدى بقالھا وقت كتیر مھیش نافعھ لأي سلام لكن سایق علیكي النبي متردینیش مكسور .. اكید مش جاى اعالج ایدي او عیني والله لو ینفع تشوفى اللى اتدفن فیا ھتلاقي حیطھ باینھ وسط شروخ وانا سني جاب ستین سنھ وملیش ونس غیرك .. كأنك زي رادیو قدیم وقع او انى عیل ع الرصیف الفجر مستني میكروباص مش جاي قلبي بیحدف دموع لعیال ف شارع بیتنا ف الأعیاد .. بیفكروھا فلوس حلمك رمادى قبل كونھ كبوس من امتى یعني سمعنا عن بلالین اول ما بتفرقع یتإذي الدبّوس البعد طول ف اسمعي حلى انا وانتى قصھ انتھت مفھاش كلام یتقال معرفش مین السبب وده مش مفید نعرفھ یصعب علیا المحطة ووقفتي جمبك یصعب علیا كل شيء بینا یصعب علیا حبل ود اتقطع منا بس انتى مش لازم تبقي موجوده .. كل الطرق مفھاش مكان لھروب انا ھمشي وارجع مكانى شخص مش عارفك او شخص حبك ثم ساب او مل وانتى ھتبقي مش مجرد واحده واحده معرفھاش ممكن تكونى اقل .. ھقوم فایق وابطل مشي للقھوه وھخرج للحیاه وھعیش وھسكت مش ھجیب سیرتك كراوي بس مبیحكیش وھقعد مره جوه اللیل الاقي عنیا مبتبكیش وھنزل مره من بیتنا تكونى ف وسط حتتنا تعدي قصادي ف الشارع واشوفك صدفھ ماعرفكیش
تعليقات: 0
إرسال تعليق