كلمات قصيدة"انتي" إبراهيم فرج
زي الغياب.. اوقات بنيجي كل ست شهور زي السحاب بنبان بنمشي لو السما بتدور اكدب عليكي ان قولت مش هفضل كان طلقي فاضي والرصاصه فشنك.. قولت العيون الخضره كات افضل ف مابال وجودي لو عيونك بينك .. كل اللي قولته كأنه متقالش .. كنت عيل نِوِر قولت ما اتقَلشِ بصي ف خدودك تلمحي نمَشي ونبان بنضحك لو ما بينا خصام كل السلالم للغياب بتروح كل اما كنت ف قصتك مجروح ريحة رقبتك جوه جسمي تفوح وبلاقي ذنبي فجأه صلي وصام مبقاش ضعيف اذا جيت وحنتلك حضنك وحشني ده كل ما ف الامر بكسر صيامك مره بالتدخين واكسر صيامك مرتين بالتمر قلبك قاتلني بطلقتين طايشين بعديها لفو ورجعو قتلوكي أصل انتي طلقك لف ف المنحني فوزت ف غيابك مره بقصيدة ولقتني بغرق جوه قلبك اذا شاف القصيده وراح معيط سنه مين كان هنا .. اول ما رجلي خطتت السلم وايديا عرفت مسكها للقلم روحت السكاشن من تحية علم شوفتك حبيبه واغنيات الام وان انتي اولي من الجميع بالبر لو حتي كل الشعرا هيقولو ان الكتابه هتبعدك عني هقلع قصايدي وهحضنك ف السر مش مستحيل .. اوقات بتبقي الأغنيات الحل وساعات بعيط وشها يتبل كل الحاجات ف الوقت ده مش مستحيل ممكن تسيبني بس برجع اميل ممكن هسيبها وابقي لسه جميل كل الحاجات بعد كام ثانيه هتكون مستحيل علشان كده .. نقدر نفسر كنا ليه بنعيش او ليه وقفنا يومها ف التفتيش وقالولي شُنطَك كلها دقات قولتي بانك جايه بهديه والساعه دي هتفكرك بيا اخرها ساعه لو الزمن بيزق كان كدب ابيض ١٠ في الميه ولقينا قلبك ف الشنط بيدق انا كنت ماشي وكنتي قتلاني معرفش ليه نفسي اني اتقتل تاني ومفيش بيبان ف الدنيا منعاني ف بكون متبت فيكي ف حياتي هل كنت مثلا مره زي قابيل وانتي الغراب عشان يعلمني اغسل ذنوبي واداري سوئاتي وحشاني اكتر ما انتي وحشاني مبسوطه ولا بتسمعي فيروز هل لسه لما عنيكي بتعيط دبوس ف قلبي بيتقتل مغروز ينفع كده انا مش مصدق حاجه من كل اللي حاصل كنت شايف تمثليه لما مطلعناش فواصل كنتي عاوزه تحطي ليا نقطه من قبل الفواصل كنتي بجهد نفسي جدا حتي لو مقدرش اواصل كنتي اسلم ليكي قالبي وانتي لا مقدرش واصل خوفتي من عقرب ثواني خوفتي م العقرب .. ثواني عدي قطرك لأ ثواني عدي قطرك ليه ساواني لما قلبي يموت ف قلبك والعياط بيشيل صواني والقي قلبك وحده قاعد يبكي وبينصب صواني حزني لا ينسب إليكي حضني مش لايق عليكي كان مكركب بس شيك قلبي قاللي بدم بارد هي امضا وانت شيك حتي حزنك يا عزيزي ويسكي قاعد ينتشيك قولتي مره كنت اول نبض يدخل نفسي لو مخرجش تاني فيه نايات اوقات تعيط وقت ما نطفي الاغاني فيه كمانجه بتشتكي من حزن بيتهوفن فيه ايقاع لعب الباياتي رد بالرسط النياتي من حجازك يا حياتي والجميع مسموع صبي نفسي اجيلك واعتذرلك او هعاتبك ف الحقيقه شهر ١٠٠ اتنين بنحكي او هملك من دقيقه نفسي اكونلك حضن يكسر ضلع يطلعلك كتير قلبي قالك اي حاجه انتي قولتي مقالكيش قولتي مش عارفه الحقيقة قولتي قال او مش اكيد لا قالي انا جيت وشايفك حزني قالك بيت مقفل كنت بتخبي ف شفايفك وانتي يومها قسيتي جدا مش قلم ده انا خدت لاكمه قلبي ف جوانتي الملاكمه بس سيبتك تكسبيني مش بسيبك وانتي مش عارغه تسيبيني حتي حضنك قال صافيني ربع كان او تلت مره لما قولت صافيني مره قولتي انك مش هتمشي عمري يوم ماستغني عنك انت بس اللي فاضلي قولتي مش هبعد واسيبك حتي موقفتيش فضلي كنت بسحب كارت زوجي وانتي يومها سحبتي بيللي واما تبقي ف اي ضيقه تيجي وتقولي اتعاميلي فات رصاصهم فيا هيّن فات غيابك ٩ مللي عشان غلطان مكنتش عارف احسبها بشد انا وانتي نفس الحبل والاقي نفسي بجريلك واقولك اني مش قادر اكمل ف الحياه بدونك وكنا انا وانتي متفقين ايديكي تشد مع ايدي لكنك كنتي بتخمي عشان شديتي بعيونك فدا الفرصه اذا حانت مبلحقهاش فدا اللحظات اذا لوحددي فدا الايام ف بيت مكتوم الي وقعاتي بعد ما اقوم الي نفسي وعزتها اللي العارفين معزتها الي روحي اللي عزتها شهور وسنين عشان موتك الي نبراتي لو طلعت بتشبه نبره من صوتك الي يومي اللي ما بيتلم واغنيه بطعم الدم .. بنسمعها يدوم مره ولكن بعدها تتشم مفيش تفاصيل بتتلاشي مفيش اشياء تبان أوضح اذا قربنا م الشاشه .. انا موجود .. اذا شوفتيني لسه بعيد كدب قلبي اذا قالك بانه سعيد مفيش صدفه .. كلها مواعيد كل اللي قالي مره ع السلم اوعي ف حياتك حتي تتنازل كان هو اصلا وقتها نازل هاحبس حياتنا بين جدار عازل وافضل معاكي حبيبك الطيب كل اللي قالك اني مش راجع قوليله لأ هيرجع قريب
افضل شاعر ف مصر🤩
ردحذفجميل
ردحذف