المدونة تحتوي علي جميع قصائد عمرو حسن,ابراهيم فرج,أميرة البيلي,مكتوبة
نرجو دعم المدونة والاشادة بها الي كل المهتمين بهذا الموضوع ولسهولة التنقل في المدونة
يمكنك الضغط علي زر الخيارات بجانب اسم المدونة و اختيار الاقسام التي تريد تصفحها
كلمات قصيدة" الدموع نزلت فقلبي بس عملت منك وردة" إبراهيم فرج
:
ammar
:
كلمات قصيدة" الدموع نزلت فقلبي بس عملت منك وردة" إبراهيم فرج
صدق اللي قال
ان احتمال
بكره مش زي النهاردة
واللي كنت انا رافضه دايما
بيفاجأني باني هرضي ..
الساعات دلوقتي وقفت
والعقارب مش هتمشي
متقوليش علي كل حاجه
قولي قرر فجأه يمشي
خد حاجاته وخد قصايده
سابني ع السكه الحديد
واما يمشي الوقت حبه
اسألي لو كنتي حابه ..
هتلاقيني مش قريب
بس برده مش بعيد ..
هبقي فاكر كل حاجه
كل مرة زعلتي فيها
وكل مرة ضحكتي ليا
واما كنت معاكي عصبي
واما قولت بحسن نيه
اني هفضل طول حياتي
قبل اسمي بقول حبيبك..
الحياه مكانتش عادله
كنا اطراف ف المعادلة
تتقطع دلوقتي ايدى
اللي بتقرر تسيبك ..
مش هقابل واحده زيك
مش هصدق حد تاني
اتشاركنا ف كل حاجه ..
حتي أنواع الاغاني ..
كنا درس مهم جدا
والزمن استاذ شرحنا
كل حاجه هتبقي ناقصه
طول مفيش البوم فراحنا
لسه فاكر لما قولتي ..
ان بعد جوازي منِك
هتقوليلي الشغل يخلص
واما تيجي تجيبلي قبضَك
البعاد عنك هاددني
سماعاتك قاتله ودني ..
كل ما افتح اي غنوه
تشتغل "سمعني نبضك"
اسأليني ف اي حاجه ..
عن سنيني الحلوة بيكي
عن دموع خبيتها دايما
بس نزلت غصب ليكي
عن ساعات قضيتها خايف
لما تزرق الشفايف ..
والكلام يتحول اخرس
والمرايا تشوفني اعمي
عن اماكن كنا فيها
عن ضوافر بس ناعمة
عن نفق معرفش غيرنا
عن ساعات ف الليل سهرنا
عن عتاب متقالش لما
اتقابلنا وجيت حضنتك
صعب جدا تبقي وحدك
صعب اكتر اكون لوحدي
اوعديني هتبقي فاكره
وان اسمي كمان يعيش
فيه حاجات من غير مذاكره
طول حياتنا متتنسيش
العياط هيعيش بيقتل
والسما الوانها بارده
الدموع نزلت ف قلبي
بس عملت منكي ورده
مش هقول علي قلبي كلمه
مش هقول غير كل خير
وانك انتي كنتي حلوة
وانك انتي كنتي غير
هبقي فاكرك طول حياتي
مهما روحتي ومهما غيبتي
بس مهما العمر عدي ..
واتسألت ف مرة عنك ..
هبقي برده بقول حبيبتي .
تعليقات: 0
إرسال تعليق