كلمات قصيدة "شيزوفرنيا" اميرة البيلي
ظنيت بإن البعد هيريح .
.و ان النهاية لابد تكون كدة ....
ظنيت بإني هخف من حبه ..
وعرفت اني صعب أكون متمردة
وارفض وجوده بكل ذرة قوة جوايا
وعرفت اني بدونه مش عايشة
و عرفت انو مكنش ويايا
من اول القصة مقدرش يعشقني
نسي اللي بينا و راحلها
معقولة انا البنت اللي كان مرتاح لها
معقولة عاش
معقول قدر بالسرعة دي يمسحني من باله
طب حتي مشتاقليش ... مشتاقليش
الدنيا مش عادلة حطانا في معادلة
بنروح لناس بتختزلنا في كل شئ
طبقاً لقوانين الحياة بنحب ناس بيحبو ناس غيرنا
الدنيا سيرك كبير ولو سيرنا بنلاقي الف مطب
الرب مش ظالم ولكني بتألم
مش قادرة اعيش دونه ولا حتي بتعلم
أرجوز بضحك كل خلق الله
ببكي بعيد عن عين صحابي عشان
ملقيش في عينهم شفقة علي حالي
كان مالي بس ياريتني صديته
انا ليه قبلت اصدقه و بغلب حبيته
محتاجة حضنه و نظرته ليا
محتاجة حضنه لكل شئ فيا
محتاجة اكون وياه
ارجوز بضحك كل خلق الله
بكتب في شعر و بلعن الصدفة
الحب كان نطفة
كبرت فيه وبكل ما املك فجعلته طفل يتيم
ياريتنيكنت اجهضته من قلبي او صار كبير
ولازال بيكب طول ما مر الوقت انا ذنبي ايه دلوقت
أنا ليه سمحت لحبه يملكني
الحزن زاد و الكاس في قلبي اتملي
كل ما احاول افضي فيه يكسره
طب ايه يارب .. طب ايه
تعبت من كتر البكا و الخوف
وبخاف كتيير لو خاني مرة الشوف و لقيته ماسك ايدها ف الشارع
يارب يا جامع كل البشر بمعاد اجمعني بيه او حتي نسيني
يارب قويني اجعلني اكون اقوي
يارب بستقوي قدام جميع الخلق لكني بضعف كل ما افتكره
متإذيهوش بذنبه ليا انا مسامحة
قويني بس يارب ع النسيان
انا صعب جداً اني ابقا تمام
علشان كدة اجعلني اكون احسن
يارب نا بحزن والاكتأب متعب
الحزن زاد فأرجوك تنجيني
يارب قويني..
كل اما اقول هنسي أنسي اني عايز أنسي و ارجع احن إليه
كل اما أقول بكرهه ألقاني ببكي عليه
مشقادرة ابطل أبص في صورنا
الوقت ليه يا حبيبي غيرنا
او ليه بقول يا حبيبي من أصله
طب قولي كيف مرتاح بدون حضني
إزاي قدرت تحبها بالسرعة دي
او ليه محبتنيش
ازاي قدرت تعييش و تكون سعيد دوني
حضنك ليه اثره لسه في هدومي
بشم برفانك فشخص يمر من جنبي فانده عليك بإسمك فيرد بإستغراب
مشعارفة أخف ولا قادرة ادعي عليك
انا بس عايزة اعرف انا قلبي ليه عشقك كدة
او ليه انسحابك مني كسرني
مشقادرة الم حياتي من تاني ولا عارفة اداوي قطع شرياني ولا عارفة اعيش
طب قولت ليه مدمن وجودك وانت محبتنيش
ازاي قدرت اصدقك بالسرعة دي
ازاي قدرت تحبها بالسرعة دي
احنا اتفارقنا بقالنا شهر.. شهرين يجوز
إزاي قدرت تكون كدة وازاي انا اللي بقيت عجوز
مش جاية اقول نرجع ولا عمري هنطقها ولا عمري هنطقها
ولا جاية اللعن فيك
انا بس بدعيلك كل الاذي ما يجيك
متشوفش منها الوجع ولا يجي ليك وجعي
بحق داين تدان يارب متأذيهوش مش عايزة حقي نا عايزة اشوفه بخير
انا بكره هنسي و كل شئئ مقدور عليه
كل اما اقول هنسي أنسي إني عايزة انسي و أرجع أحن إليه
بتوحشني
بغمض عيني و أجبرها تنام عشان ابطل أبكي علشانك فبحلم بيك
تجيلي ف حلمي تحضني وتقولي لسه بشتاقلك
فأقوم من نومي وألقاني بفكر فيك
وببكي كتيرر ..أنا مش عارفة ليه انسي
وليه كل اما اقول هنسي اللقي قلبي يتنهد
و عقلي يقولي يا غبية دا عايش فل من غيرك
لابد تدوسي علي قلبك و واجب تقسي او تنسيه
حاولت كتيرر.. و ببكي كتيرر..وكل ما أقول انا احسن اللقي كل شئ قولته بدون تغيير
كل البشر رهنوني ع الفرقة وانا قولت لا بيحبني
وأديني اهوه خسران رهانهم ليا و لوحدي
انا مش بعيط بالزكريات ولا شئ
ولا حتي فاتح ذكرايتنا و بكتأب
الضرب في الميت حرام وعلشان كدة مش فارقة ويايا
الحزن مش غاية مبسوط بدونك فوق ما تتصور
بخرج و بتصور و مفيش ف قلبي اي نقطة حزن
و ماعادش في لاعياط و حرقة و غم ولا عدت ببكي علشان ماهوش مهتم
اصبحت بارد ماملكش ذرة دم و الفرقة سهلة مش كارثة كونية
دلوقتي بس هتبقا من الخيالات و مفيش رجوع ولا ذرة إحتمالات
محتار لإنك صرت م الأموات من امتي حبك عاش يومين فيا
لا أنا عايزاك ولا حباك ولا حتي جيت علي بالي من يومها
فاكرني هموت بدون حضنك والله ضحكتني
دلوقتي انا واقفة و مفيش ف قلبي أي نقطة حزن
وماعادش في لاعياط و حرقة و غم ولا عدت ببكي علشان ماهوش مهتم
اصبحت بارد ماملكش ذرة دم و الفرقة سهلة مش كارثة كونية
دلوقتي بس هتبقا من الخيالات و مفيش رجوع ولا ذرة إحتمالات
محتار لإنك صرت م الأموات من امتي حبك عاش يومين فيا
ا أنا عايزاك ولا حباك ولا حتي جيت علي بالي من يومها
فاكرني هموت بدون حضنك والله ضحكتني
دلوقتي أنا واقفة و مفيش عياط فيا
و الذكريات مبقتش تنهشني بس أعمل ايه ف الكدب
الصبح ييجي ببقا انا نسياك ..والليل يجيني القيك بتوحشني
قلبي اكتفي من كتر ما بينزف
بتجيني ليه ف حلمي مليت يزيد الحزن جوايا
مليت ازيد السرد عنك كل يوم بالشعر
بصحي بفزع وأنده علي اسمك
اسمك كبير و الذنب راح يترد
يارب انا مليت .. بيوحشني
قلبي اكتفي من كتر ما بينزف
لأول مرة أتمني يغيب من بالي والله
يوماتي ببكي و برتجف لو سيرته جت وسط الكلام
يارب نفسي انام منغير ما ييجي ف حلمي يحضني
معرفش ليه يصوني
معرفش ليه يحبني
طب كان بيكدب ليه
مشقادرة اتخيل انو بقا ف حضنها
يارب نسيني ..ضعفت..قويني و شيلو من بالي
يارب كان مالي حبيته ليه مشعايزة أحن اليه ولا عايزة أشتاقله
محور حياتك لو جعلته ف شخص هتموت ب قهرة و كسر مش بيلم
كل اللي نفسك فيه مبيتمش بكرة هييجي الاحسن اللي يتم
ولو في فحياتك حب بيموت فدا داء لقلبك و المراد السم
الكل فترة هتنتهي بالوقت والوقت بيعلم الصح م المعاناة
كل اللي قالك انو مش ماشي هتلاقي بكرة في حد تاني معاه
ما دايم الا وجه الله
ابدعت
ردحذفجميله جداا ربنا يوفقك يارب💜
ردحذفابويا انا عالجمال♥️
ردحذفكالعادة غمرتيني بابداعك 💛
ردحذفروعه
ردحذفروعه ابداع
ردحذفماشاء الله أحسنت قولا وابدعت وصفا
ردحذفانا لدي نفس الموهبة ولكن أريد أن شخص مثلك يساعدني
حلوة
ردحذفاجمل شاعرة شفتها بتحكي اللي بنحس بيه في قصايدك
ردحذفروعه بجد ماشاء
ردحذفروعه جدا جدا
ردحذففظيعه
ردحذفجامده حمدان الله عليك ياأميرة
ردحذفانا بحبك يا اميره
ردحذف