-->
________________________________________________________________________________________________________________________________________________________________________________________________________________________________________________________

أرشيف المدونة

اتصل بنا


جميع الحقوق محفوظة

A43ar

كلمات قصيدة "هذا المغفل أنا" إبراهيم فرج

:
:
كلمات قصيدة "هذا المغفل أنا" إبراهيم فرج

    كلمات قصيدة "هذا المغفل أنا" إبراهيم فرج

    سهران وسجايري صاحب رخم فضاني ف المحفظة لبريزه سيلفر ورق وريال عليه الملك وده كل ما امتلك . ____ شد ف رحالي يا ليل وديني ع القهوه وسط الكراسي الخشب والترابيزات والشاي والقهوه صاحب عزا وبتشربك بالأمر جسمي المتلج داب متأثراً بالخمر ! وانا لسه ف امبارح .. ومفيش مكان بكره كدر الحيطان زقني وهبدني ع الأكره وطردني بره البيت ..شاء الجميع وأبيت سبت المكان عزلت وهربت من وسطو وشديت بيباني قفلت طلعت قلبي الورق قطعته ع الأسفلت طيرته فوق ف الهوا .. كالبلونات بتطير . أول ما بتفكها تدبل وبتكرمش . ما تفكونيش دلوقت خلونا ناخد وقت والهيليوم يطيرني إلى كل اللي فكر مره يكسرني .. انتو اللي عالم أغبيا شوفتو اللي ف الكدر اتخدعتو ف سجايره واوضته وولاعته ومزيكته وبلكونته وساعته .. اتبعتو كل شيء ناقص محتاج اكون وحدي .. اعزم عليا بشاي ومشربهوش واكلم نفسي واسألني تعبان ؟! وايه مالك ! وازاي احوالك .. بقالك فتره متغير وارسم بنات .. نظرتي ف عينهم كفاره لما بينهم وطلبت من دينهم العفو والمغفره كل الذنوب نيه ونصها تكفره كلا بل ران .. سابو المغفل ف البارات سكران يشرب كحول كتير يحبس وراه بالزفت يسهر ويسكر كل اخر شفت مستني ومش عارف ايه اللي مستنيه اليوم يكمل شهر والشهر جايب سنه هذا المغفل أنا .. هذا المغفل أنا مشيت مع المنحني وفضلت بجرى وراه .. وخطايا كات سايره معرفش انها دايره . العلم بالأشياء اعظم مرتبه ف الجهل عيل وماشي ف الطريق السهل .. بصرف فلوسي ع الكتب والأكل خدني الديكور والجمال والشكل طلعت جيوبى ع الريون تقطعلي تذكرتين سأل الكاشير مين اللي جاي معاك عديت وكأنو مسألنيش .. ولعت صدري بعلبتين باقيين ف الدرج اللي جنب النيش من سهره مش فاكر معاد ليها كسرت نفسي ف أول مرايا شوفتني فيها الكل شافني سليم ومرايا مكسوره انا كنت بكسر وقتها نفسي مكسرتش الصوره . دخل الموظف شاف الإزاز ارتبك ْْلِم اللي باقي وحطه على مكتبك رديت عليه قبل اما اغيب عن وعيي بدقيقتين فوقت ف مصحه بعد كام اسبوع دكتور جراحه وخريج حديث من طب .. وايديا ملفوفه بالشاش وبالسلوتب وممرضه ف العشرينات واقفه وبتتابع الحاله .. دخل الطبيب .. سلامتك .. شكرا وكأنه ما صدق اني جاهز للخروج مش فرح اني ف وقتها خفيت لأ .. اكيد علشان هسيب سرير فاضي .. كل الكلام شبه الزجل .. كل اللي جاي من غير أجل حتي الحياه كرسي بعجل ..بيزوقني خدني ف مراكبه الراحله ورماني وسط السمك ف القاع وكأني أغنية ناقصه تون وايقاع عجل الحياه دوار .. وانا بن عايش وسطكو وبتطحنوه للأبد قال ربنا.. ان الإنسان لفي كبد كلا .. بل ران . سابو المغفل ف البارات سكران يشرب كحول كتير يحبس وراه بالزفت يسهر ويسكر كل اخر شفت اليوم يكمل شهر والشهر جايب سنه هذا المغفل أنا.

    آخر المشاركات

    تعليقات: 0

    إرسال تعليق