كلمات قصيدة"اخر نداء" إبراهيم فرج
كلمات قصيدة"اخر نداء" إبراهيم فرج
بالأمس أو قبله ..
كان جوه مني عراك
وانا من طبيعتي سلام
جوايه غزوه ومعركه وغلام
ف صدره سهام
ووريد بيهرب من وصول الدم
الفوضي دي انتي السبب فيها
سلمت ليها ووامنت ب العله
ومفيش حروب من غير ..اثباتها بأدله
سكنت فيكي الدير .. سلمت لجنودك
ارغمت ع الهدنه..ووافق ب بنودك
وهروبي منكي اليكي ..اسوء هروب قد تم
لذلك عندي عرق مريض
بطل يوصل للوريد الدم
بطلت اوجد سبب للوعكه والعله
وفاقد قدرتي كأديب
انتى النبي يوسف وانا لسه زي الديب
هفضل بريء منك رديلي مظلمتى
او حتي مترديش .. مبقاش يهم خلاص
انا هبقي حصن منيع لجيوشي وقت الحرب
كل اللى وقفو رماه سابو السهام والضرب
وبحارب العالم وف طرفهم هي
مبقاش يا ناس فاضل
غير عود أغنيه .. والرك ع النيه
هي الأوامر والفعل والناهي ..
هي اللى صوتها مش شبه متناهى
هي الصليل والصوت هي الملاذ للموت ..
بتهون الطعنات وتخفف الأزمه ..
لمي الغنايم دول .. والله ع الجزمه
ميهمنيش أمرك .. الليله مت شهيد
مكسور جناح ووريد ..جوايا شيء بالكاد
قادر يعيشني .. بسقيكي من دمي
قبل الشراب سمي .. انا لسه وعدي
كسبانه جته ودم .. خسرانه من بعدي
انا فزت ف الملحمه .. هفضل بفوز كلما
تنتصرى وتفوزى .. هديكي اكتر ماللى بتعوزي
وهاخد لنفسي سبيل للهروب منك
واعمل ف صدرى تابوت ..
واتحامي ف الدخان .. كتفي الشمال لو خان
هديله 100 جلده .. هتحامي فالبلده
والأرض والسموات .. ومفيش هنا اموات
انتى الميته فيا .. وسلاحى مش ليا
وانا كنت كاتم صوت
وكلاكس ف ترولي .. الحرب طالبه حشيش
ما تلفي وترولى .. وهطير ف دخانك
وكأني كنت أسير ..يطلق سراحه الأن
سامحيني وانسيني والدبله ف السرداب
مقفول عليها الباب .. يا حلوه متلزمنيش
هتلر ف نفسي ودكتاتور جدا
مقبلش غير بالنصر ..
ده انا قلبي نازل عصر ف مضيكي جوايا
اسفيين يا مولاتى ..
كل الجنود مشيو .. وسابوكي ف التهلكه
بكفايا حزن وبكا .. مبقاش فاضلك أمل
الباب يفوت جمل .. والله مش فارق
انتى اللي صممتي ومصره نتفارق
حطيت صوابعك كلها سكاكين
على قلبي بايديا بطبع غشيم بيغرزهم
من حقي لما انتصر
اختار ضحايا الحرب وافرزهم
واحط شروطي واوامرى
واخرج نفسي من بينكو ..
طبقا للقانون والجرد ..
الحرب قايمه وانا عدني لسعة برد
مش سهل انى اخف واقوم
انا ضهرى كان مقسوم ..والكسره ذاتيه
من قوة الطعنات .. وبواقي حرب من فيا
تقلتي ليه ايدك .. حملتي على ضهرى
ده انا كنت بسقيكي والله من نهرى
وشربتي ما كفي .. خدتيني ف اللفه
ودخلت ف الدوكه ..دلوقي هاخد
على قدر يكفيني ..
ياكفيني بس ان انتى تخافيني ..
او تلجأى ليهم ..
لمي ما اتبقي .. واعلني سلمك
خلى الجميع يمشي
من حارب اتأدب ..من خاف ف ماسلمش
كل الفرص حالا مبقتش مجديه ..
جتت جناب أهلى .. ف كأنها ديه
هيا ارحلي من خلفهم ومعندناش جزيه
اعلن انا دلوقتي قد خفيت .. وحاربت ببطوله
لا انتى الاخيره ولا انتى كا الاولى
من بعدك ..
كل اللي جاى سلام
وده شيء جدير بالذكر
وف حد ذاته اهم
عرقي المريض الان
فكراه ..
بقي يستجيب للدم
مرحبًا، أنا سعيد جدًا الآن لأنني حصلت اليوم على قرض بمبلغ 60 ألف دولار من هذه الشركة الجيدة بعد أن جربت عدة شركات أخرى ولكن دون جدوى هنا رأيت إعلان Sunshine Finance وقررت تجربته واتبعت جميع التعليمات. وها أنا سعيد اليوم، يمكنك أيضًا الاتصال بهم إذا كنت بحاجة إلى قرض سريع، تواصل معهم الآن عبر هذا البريد الإلكتروني:
ردحذف(contact@sunshinefinser.com) أو
واتساب: +919233561861
شكرًا.